किनगावात माथेफिरूने जाळला तयार गहू

किनगाव क्राईम चोरी, लंपास यावल

किनगाव प्रतिनिधी >> यावल तालुक्यातील किनगाव येथील एका अल्पभूधारक शेतकऱ्याच्या गावालगतच्या शेतातील गहू माथेफिरूने जाळला. ही घडना शनिवारी सकाळी उघडकीस आली. त्यात शेतकऱ्यांचे २० हजारांचे नुकसान झाले.

किनगाव येथील निसार सुभान खाटीक यांनी गावालगत नायगाव रस्त्यावरील दीड बिघे शेतात (गट क्रमांक १९/१) गहू पेरणी केली होती. तयार झालेला हा गहू कापून त्यांनी शेतात ढिग करून ठेवला होता. त्यास शुक्रवारी रात्री कुणीतरी माथेफिरूने पेटवून दिले.

शनिवारी सकाळी हा प्रकार निदर्शनास आला. मंडळाधिकारी सचिन जगताप, तलाठी प्रवीण पाटील, कोतवाल गणेश वराडे यांनी पंचनामा केले. त्यात सुमारे १३ क्विंटल गहू जळाल्याचा अंदाज आहे.