राष्ट्रवादीच्या महिला जिल्हाध्यक्षा कल्पना पाटील यांचा राजीनामा

Politicalकट्टा कट्टा जळगाव

जळगाव >> जिल्हा राष्ट्रवादीच्या ग्रामीण जिल्हाध्यक्षा कल्पना पाटील यांनी प्रदेशाध्यक्षा रूपाली चाकणकर यांच्याकडे राजीनामा पाठवला आहे. तीन वर्षापासून या पदावर काम करीत असल्याने नवीन तरुण महिलेला संधी मिळावी म्हणून राजीनामा देत असल्याचे पत्रात म्हटले आहे.

प्रदेशाध्यक्ष जयंत पाटील हे पंधरा दिवसांपूर्वी जिल्हा दौऱ्यावर येऊन गेले होते. स्वत: महिला जिल्हाध्यक्षा व मुलगा अभिषेक पाटील हे महानगराध्यक्ष अशी दोन प्रमुख पदे एकाच कुटुंबात होती. राजीनामा दिल्याने रिक्त होणाऱ्या जागेवर जामनेर तालुक्यातील वंदना अशोक चौधरी, सावदा येथील नगरसेविका रेखा राजेश वानखेडे, माजी अध्यक्षा मंगला पाटील यांच्या नावाची चर्चा सुरू आहे.