एरंडोल : बनावट मद्यनिर्मितीचा कारखाना उधळला तर साडे तीन लाखाचा माल जप्त!

एरंडोल क्राईम

एरंडोल ::> तालुक्यातील कासोदा शिवारात राज्य उत्पादन शुल्क पथकाने टाकलेल्या धाडीत बनावट मद्यनिर्मितीचा कारखाना उधळला आहे. घटनास्थळावरुन ३ लाख ६९ रुपयांचा मुद्देमाल जप्त करण्यात आला आहे.

कोसोदा शिवारातील कासोदा-कनाशी रस्त्याला लागून असलेल्या नाल्याला लागून मोकळ्या जागेत राहुल अनिल चौधरी रा.कासोदा ता. एरंडोल हा बनावट मद्य बनवून विकत असल्याची गुप्त माहिती राज्य उत्पादन शुल्कच्या जळगाव विभागाला मिळाली.

यात टाटा कंपनीचे एस लहान टेम्पो, वाहन क्र. एम. एच.१९ बी एम ५१३५, बनावट मद्य निर्मितीसाठी लागणारे मद्यार्क, रिकाम्या बाटल्या आदी १४ बॉक्स बनावट देशी मद्य असा एकूण ३ लाख ६९ लाख ४७५ रुपयांचा मुद्देमाल जप्त करण्यात आला आहे.

अधिक्षक सीमा झावरे यांच्या मार्गदर्शनाखाली भरारी पथकातील प्रभारी निरीक्षक एस.एफ.ठेंगडे, दुय्यम निरिक्षक ए.एस.पाटील, जवान एन.पी.पाटील, के.पी. सोनवणे, आर.पी.सोनवणे यांच्यासह आदींच्या पथकाने कासोदा शिवारात कारवाई केली. पुढील तपास प्रभारी निरिक्षक ठेंगडे करीत आहेत.

Leave a Reply

Your email address will not be published. Required fields are marked *