चोपडा > येथील नगरसेवक अशोक बाविस्कर यांच्या विद्याविहार कॉलनीतील घरात चोरी झाल्याची घटना, २९ रोजी उघडकीस आली. चोरट्यांनी त्यांच्या घराचे कुलूप तोडून २५ हजार किंमतीचा टीव्ही व ४० हजारांची रोकड असा एकूण ६५ हजारांचा मुद्देमाल लांबवला.

नगरसेवक बाविस्कर २२ रोजी आपल्या कुटुंबासह शहरातील बारी वाड्यातील जुन्या घरी रेशन वाटप करण्यासाठी गेले होते. २९ रोजी सकाळी त्यांच्या विद्याविहार कॉलनीतील, दुमजली घरातील भाडेकरू सतीश सोनवणे यांनी त्यांना फोन करून चोरी झाल्याची माहिती कळवली. त्यांच्या घरातील दरवाजाचे कुलूप व कडी तोडून चोरट्यांनी आत प्रवेश केला होता. माहिती मिळाल्यावर बाविस्कर यांनी त्वरित घर गाठले. त्यावेळी ६५ हजारांचा मुद्देमाल लंपास झाल्याचे त्यांच्या लक्षात आले. चोपडा शहर पोलिसात गुन्हा दाखल झाला.

Leave a Reply

Your email address will not be published. Required fields are marked *