चोपड्यासह जिल्ह्यात ६ नवीन तहसीलदारांची नियुक्ती

Jalgaon चोपडा जळगाव

चोपडा प्रतिनिधी राजेंद्र पाटील ::> जिल्ह्यात ६ नवीन तहसीलदारांची नियुक्ती करण्यात आली असून यात चोपडा, यावल, मुक्ताईनगर, आदी तालुक्यांसह जिल्ह्याधिकारी कार्यालयातील तहसीलदारांचा समावेश आहे. आज जिल्ह्यातील तहसीलदारांच्या बदल्या झाल्या. यात चोपडा, मुक्ताईनगर व यावल या तालुक्यांच्या तहसीलदारांच्या बदल्या झाल्या आहेत.

यातील चोपडा येथील अनिल गावित यांची देखील बदली झाली आहे. दरम्यान, बदली झालेले चोपडा तहसीलदार गावित यांच्या ठिकाणी नाशिक येथील करमणूक शाखेतून छगन वाघ यांची नियुक्ती करण्यात आली आहे.

मुक्ताईनगरचे शाम वाडेकर हे नगर जिल्ह्यातील पाथर्डी येथे बदलीवर जाणार आहेत. यावल येथील जितेंद्र कुवर यांची जिल्हाधिकारी कार्यालयातील संजय गांधी निराधार योजनेच्या तहसीलदारपदी बदली झाली आहे. तर मुकेश हिवाळे हे जळगाव जिल्हाधिकारी कार्यालयात करमणूक कर विभागाचे तहसीलदार म्हणून कार्यभार सांभाळणार आहेत.

नगर येथील तहसीलदार महेश कौतिकराव पवार यांची यावल येथील तहसीलदार म्हणून नियुक्ती झाली आहे. मालेगाव शहर येथून बदलून आलेले सुरेश वसंत थोरात याची जळगाव सामान्य प्रशासनात बदली झाली आहे. तर तळोदा येथून बदलून आलेले पंकज लोखंडे हे जळगाव जिल्हाधिकारी कार्यालयात महसूल या विभागाचे तहसीलदार म्हणून पदभार सांभाळणार आहेत.

Leave a Reply

Your email address will not be published. Required fields are marked *