पाचोरा तालुक्यातील हिवरा नदीत बुडून दोन बालकांचा मृत्यू

पाचोरा

पाचोरा प्रतिनिधी >> तालुक्यातील शासकीय आयटीआयजवळ असणाऱ्या हिवरा नदीपात्रात दोन बालके आंघोळ करण्यासाठी गेली होती. नुराणी नगर भागातील जुनेद अनिस बागवान (वय १३) व सईद अफजल पिंजारी (वय १३) ही दोन्ही मुले हिवरा नदीकाठावर आंघोळ करत असताना पाय घसरून डोहात पडल्याने ते नदीत वाहून गेले. ते दोघे या वर्षी सातवी पास होऊन आठवीच्या वर्गात जाणार होते. सायंकाळी डोहाबाहेर कपडे आढळून आल्याने या घटनेचा उगलडा झाला.

यानंतर दरम्यान, घटनास्थळी पोलिस उपनिरीक्षक विकास पाटील यांनी आपल्या सहकार्यांसह धाव घेतली. यातील जुनेद बागवान याचा मृतदेह दगडाच्या कप्प्यात अडकलेला आढळून आला. तर सईद पिंजारी याचा मृतदेह रात्री उशीरा आढळून आला. दोन्ही बालकांच्या पार्थिवावर शवविच्छेदन करण्यात आले असून शोकाकुल वातावरणात अंत्यसंस्कार करण्यात आले आहे.

या घटने संदर्भात पाचोरा पोलीस स्थानकात अकस्मात मृत्यूची नोंद करण्यात आली आहे. दरम्यान, पाचोरा शहरातल्या नुराणी नगर भागावर या दुर्घटनेमुळे शोककळा पसरली आहे.

Leave a Reply

Your email address will not be published. Required fields are marked *